|
WIIL SOOMAALIYEED OO QABA XAAS
ITOOBIYAN AH OO LOOGU HANJABAY IN LA DILI DOONO.
Muuqaal Online
16-July 2008.
Dhacdadan ayaa ka dhacday Magaalada Muqdisho gaar
ahaan Xaafadda Towfiiq waxaana jirtay Wiilkaan
Soomaaliyeed ay taleefoono hanjabaad ah iskaga soo
daba dhacayeen kuwaasoo ugu hanjabayay inay dil u
geysan doonaan hadii uusan iska furin ama ka
dhaqaaqin xaaskiisa oo ah Gabar Itoobiyaan ah taaso
oo uu guursaday muddo laga joogo 3 sano mar uu ku
sugnaa Caasimadda Ethiopia ee Addis Abeba, waxeyna
kooxahaan ku eedeeyeen inuu u basaas u yahay Ciidama
Itoobiya maadaama uu qabo naag itoobiyaan ah
haweeneysuna ay aad ugu hadasho afka Tikreega oo ay
kasoo jeeddo waxeyna wacad ku mareen kooxahaan
mintidiinta ah inay qoorta ka jari doonaan asaga iyo
xaaskiisa haduusan iskaga baxin howlaha uu lugaha
kula jiro taasoo argagax iyo welwel ku abuurtay C/qaadir
Axmed Tiirow oo lo yaqaano (Afgooye).
"Waxaa igu adkaatay inan ku noolaado magaalada
Maadaama aan helo hanjabaado iiga imaanayo Kooxaha
wax ku dila magaalada anigoo wax shaqo ah ku laheyn
Ciidamo Itoobiyaan ah iyadoo waliba xaaskeyga aan
jeclahayna ay kasoo jeeddo Tikreey laakin ay tahay
Ruux Muslim ah oo aan anigu muslimayay waxaana hadda
usoo dhaqaaqay xaafad ka tirsan Waqooyiga Muqdisho
oo aan islahaa wadku nabad galeysaa balse ay noqotay
meel kasii daran meeshii aan kasoo cararay iyadoo
habeen anigoo gacaliseyda la jiifo uu iisoo dhacay
taleefan kaasoo ahaa nin iigu hanjabayo inuu janada
igu gali doono haddii aanan joojin howlo uu ku
shegay in aniga iyo xaaskeyga aan u nahay dabadhilif
Itoobiyaanka balse waxaan isku dayay inaan ka
qanciyo laakiin uma muuqaan arinkaas ee waxuu
keensado Aayado asagoo sheegayay inay banaan tahay
in la i qaarijiyo ayuu yiri C/qaadir oo markii oo uu
warramayay Muuqaal Online ay ka muuqatay naxdin iyo
welwel nafsi ahaan ah waxuuna intaas ku daray inuu
haatan qorsheynayo inuu raadsado meel uu ku
badbaadayo.
Arinkaan oo layaab ay ku tilmaameen dadweynihii ku
dhawaa degaan ahaan ama yaqiinay wiilka ayaa sidoo
kale waxay ka baxiyeen talooyin badan oo isugu jiray
inuu iskaaga hayaamo dalka ama is qariyo oo uu
yareeyo dhaq dhaqaaqa iyo socodka halka qaarkalena
ay ku taliyen inuu gabi ahaanba iska fasaxo gabadhan
si uu u helo xornimo uu ku shaqeeysto balse su'aasha
taagan ee la isweydiinaayo ayaa ah sidee Ruux
Soomaaliyeed oo guursaday Haweeney Itoobiyaan ah uu
ugu noolaan karaa Muqdisho iyadoo ay si aad ah u
dhacdo caado ahaan ragga Soomaaliyed ay guursan
jireen hablaha Itoobiyaanka ah.
Muuqaal.com
muuqaal@yahoo.com
webmaster@muuqaal.com
Xuquuqdu waxay u dhawrsan tahay Muuqaal Team
|
