|
|
DHALINYARADA MUQDISHO OO KA
CABANAAYO SHUKAANSI XUMI SOO WAJAHDAY AMAANKA OO XUN
DARTIIS.
Muuqaal Online
02-Juun 2008
Dhalinyarada Magaalada Muqdisho ayaa inta badan
Shukaansi u aadi jiray xafada kala fog xiliga
habeenkii lakiin wayaahaan danbe ayaa waxaa soo food
saray culeys kaga yimid dhanka amaan xumida ka jirta
magaalada Muqdisho iyo waliba ciidamada itoobiya oo
xiliga habeenki jaclayn socodka dadka iyagoo cabsi
ka qaba weerarada inta badan habeenkii lagu qaado.
Dagaalada inta badan dhaca xiliga habeenkii waxay
bajiyaan Balamo inta badan lagu kala tago kadib
markii ay dhalin yarada la soo bixi wayaan cabsi
jirta awgeed,waxaa intaas u sii dheer Taleefonada oo
qayb ka qaato shukaansiga muqdisho ay goyaan
rasaasta la is waydaarsanaayo taas oo sababta is
arag la'aan iyo is maqal xumo.
Lamaanayaal badan oo xiisa isku qabo ayaa kala
baaqdo habeen kasto magaalada muqdisho ayagoo ka
cabsanaayo in ciidamada itoobiya oo caraysan ay
gacanta u galaan, taaso sababi karto in la dilo ama
la xiro oo xabsi loo taxaabo kadibna danbi qofka
uusan laheyn qorta loo galiyo.
Inta badan Dhalinyarada magaalada Muqdisho ama
Soomaalida dhaqan uma lahan in maalinti la haasaawo
ama lagu kulmo ,waayo dadka soomaalida waxay
shukaansigooda ka dhigtaan xiliga habeenkii taas oo
lagu kulmo inta badan guriga gabadha ay dagantahay.
Mid ka mid ah dhalinyarada magaalada Muqdisho ayaa
ii sheegay in gacalisadiisa aysan habeen is arkin
tan iyo intiii ciidamada Ethiopianka magaalada soo
galayn ,waxuuna hadalkiisa sii raciyay in ay is
arkaan malintii mar mar lakiin ayna inta badan ku
xariiraan Taleefoon,
Mahan shukaansi oo qura waxay ay dhalinyarada reer
Muqdisho ay ka cabanayaan ee waxaa intaas u sii
dheer ayagoo inta badan hebeenkii wayeen ciyaarihii
ay daawan jiray taas oo noqtay wax ay iska iloobayn
mar hore.
Raage Cali
Muuqaal.com
muuqaal@yahoo.com
webmaster@muuqaal.com
Xuquuqdu waxay u dhawrsan tahay Muuqaal Team
|
