Muuqaal Online
15 Sept. 2008
Maxkamad
milatari oo ku taalo Saskatoon ee dalka Canada
ayaa burburisay dacwad lagu soo oogay Cpl.
Clayton Matchee oo ah askari si xun u dilay
Shidane Abuukar Caroone oo ah wiil 16 jir
Soomaaliyeed xiligii ciimadii Qaramada
Midoobay ee ay Somalia joogeen 1993,
sidaasna waxaa maanta u sheegay warbaahin
Col. Bruce MacGregor oo ah ku xigeenka
agaasimaha fulinta dilalka ee Ciimada
Milatariga.
16-kii March 2008 Marxuum Shidane Abuukar
Caroone ayay ciimada Canada ku xireen
xeradooda Magaalada Beledweyne isagoo ay ku
eedeynayeen inuu waxyaabo yar yar uu ka
xaday halkaasoo lagu dhigay xabsi isagoo ku
dhintay intii uu xirnaa dhibaato la xiriirto
jirdil loo geystay iyo iyadoo la gubay
waxaana masuul ka ahaa inuu ilaaliyo meesha
uu ku xiran yahay Clayton Matchee oo ah
askariga maanta la cafiyay.
Askartii kale ee ku jirtay
xeradaasi ayaa arkeen wiilkaan yar oo ku
silacsan meeshaan dabadeedna ka qaaday
sawiro laba maalin ka dib waxaa la xiray
Clayton Matchee isagoo lagu eedeeyay inuu ka
danbeeyay dilkii Caroone, Matchee ayaa isku
dayay intii uu ku jiray xabsiga milatari
inuu isdilo halkaas oo ay waxyaalo kasoo
gaareen wuxuuna beelay ama waayay qeyb ka
mid ah maskaxdiisa.
Sanadkii
1994 baaris lagu sameeyay dilkii Caroone
ayay maxkamadda dusha ka saartay inuu masuul
ka yahay dilkaasi Matchee laakiinse uusan
ahayn nin soo istaago karo maxkamadda
horteeda xaalad xaafimaad darteed balse ay
maxkamad dib usii dhacday isagoo loo diray
Cisbitaalka kale si loo ogaado xaaladiisa
caafimaad, Dhaqtarkii u qaabilsanaa Matchee
dhanka caafimaad ayaa maxkamadda u sheegay
inuusan marnaba Matchee ka bogsan doonin
madaxa (Maskaxda), 15 sanadood ka dib ayaa
Maxkamadda dib u eegtay dacwaddii Caroone
sidaasna ay ku burburisay dacwaddii Clayton
Matchee sida uu u sheegay warbaahinta Col.
Bruce MacGregor maanta isniin ah.
Allaha u naxariistee Shidane
Abuukar Caroone ma aha qofkii ugu horeeyay
ee ay dilaan ciimaddii Qaramada Midoobay ee
Somalia loogu soo diray nabad ilaalinta iyadoo
ay waxyeelo badan geysteen sida la ogyahay,
mana aha dacwadii ugu horeysay ee lagu soo
oogo askartii Qaramada Midoobay ee Somalia
joogay.
Matchee oo jirdilayo Shidane
