Home  |  News  |  Sports  |  Layaabka Dunida  |  Sheekooyin  |  Contact  |  Videos
Gariigga iyo Buufiska Soomaalida  E-mail

 

Magaalada Athens ee dalka Greece oo Soomaalida ay qaab Tahriib kaga soo galaan dalka Turkiga ayaa noqotay magaalo ay ku soo badanayaan dhalinyaro isugu jirta rag, haween, waayeel iyo caruur, kuwaasi oo silic ku soo gala dalkaasi Greece-ga.

Xaafada Amounia oo ka tirsan magaalada Athens ayaa waxaa ay noqotay hoyga dadka Madow, taasoo keentay in wado ka mid ah xaafadan lagu magacaabo Black street, waxayna xaafadaasi Booliska Greece ay ka aaminsan yihiin in ay tahay hoyga daroogada, sababtuna waxay tahay iyadoo ay ku badan yihiin dadka Madow ee dalalka Afrika ka soo haajiray oo muqaadaraadka si aan qarsooneyn ugu iibiya wadooyinka, waxayna taasi keentaa mararka qaar in Booliska uu abaaro dadka madow ee soo haajiray dalkuu doono ha ahaadee.

Soomaalida ku nool Amounia ayaa ah dad aan inta badan shaqo ku laheyn daroogada, hase ahaatee qorshaha ay dalkan ku soo galaan ayaa ah in ay ugu sii gudbaan si fudud dalalka kale ee Yurub oo ay door bideen in ay ku noolaadaan.

Dadka ayaa ah kuwo doonaya inay u haajiraan  Dalalka horay maray ee Yurub, waxayna mar walba ku sheekeystaan qaabka ugu salhan ee ay ugu bixi karaan Greece, iyadoo goobaha lagu shaaho iyo wadooyinka ay ugu hadlayaan bixitaanka dalkan iyo wixii markaasi Rabi u fududeeyay iney ka baxaan.

Waxaa jira Muqalasiin Soomaaliyeed oo ka yimaada dalalka Scandanavian la isku yiraado kuwaasi oo keena Dukumentiyo dad kale iska leh, kadibna ka sii iibiya dadka doonaya iney ka baxaan dalka Greece, kuwaasi oo laga qaado lacago fara badan.

Haweenka iyo dhalinyarada ayaa u badan dadka ay madax martay Yurubta horay martay sidii ay ugu noolaan lahaayeen, waxaana dhalinyaradaasi ay sheekadoodu noqotay “Hebel Wuu baxay, Shabax ayuu helay” oo macnaheedu tahay wuxuu helay Paasaboor u eg, intaasi oo dhan marka laga yimaado waxaa cajaa’ib ah ama wax lala yaabo Soomaalida oo noqotay dad laga bartay Garoonka diyaaradaha ee laga baxo Athenis.

Wararka la xiriira

Marka uu qofka Soomaaliga ka baxayo garoonka ee uusan wadan sharci rasmi ah waxaa mararka qaar dhacda in lagu qabto, markaasi oo Askarigu uu si degan ula hadlayo, iyadoo su’aalaha la weydiinayo ay ka mid yihiin “Sharcigani adiga miyaaf leh, halkee ku socotay, ma hubtaa inaad leedahay iyo waan hubineynaa” marka uu Askariga yiraahdo waan hubineynaa qofka Soomaaliga xaqiiqda ayuu markaasi sheegayaa haduusan indha adeegin, wuxuuna askariga marka runta loo sheego uu qofka Soomaaliga u sheegayaa in uu si degan isaga laabto ama xabsiga la dhigayo, mudo shan maalmood kadibna la siinayo waraaq faro looga qaadayo.

Waxyaabaha cajiibka waxaa ka mid ah Askariga garoonka marka uu qabto qofka Soomaalida wuxuu leeyahay Amounia ayaa ka soo iibsatay Paasaboorkan, kuumana ega ee mar kale imaaw garoonka maanta waa laguugu fahmay, markaasina qofka Soomaaliga uu iska soo laabanayo, wuxuuna mar kale uu dib u tijaabiyaa nasiibkiisa.

Aqristayaasha waxaan u balan qaadayaa in Qormooyin kale oo ka hadlaaya qaabka tahriibka iyo dhibaatada loo soomaro imaanshaha Yurub dib ayaan ugu soo gudbin doonaa hadii Alle yirhaado.

Cali Muxiyaddiin.
 This e-mail address is being protected from spambots. You need JavaScript enabled to view it
This e-mail address is being protected from spambots. You need JavaScript enabled to view it