|
THOMAS BEATTIE NINKII UURKA
LAHAA OO DHALAY GABAR.
Muuqaal Online
 Thomas
Beattie oo ahaa ninkii uurka lahaa ee u dhashay
dalka Mareykanka (Riix Halkaan
Sheekadiisi Hore) ayaa waxa uu Hospitalka St.
Charles Medical Centre ee Benda uu ku dhalay gabar,
Thomas ayaa horey Scan horey loogu ogaaday waxaa ay
ku shegeen dhaqaatiirta inuu dhali doono Maalinimada
khamiista ah ee 3-da June balse uu kasoo hor maray
waqtii ay u qabteen dhaqaatiirta, arintaan ayaa la
ogaaday ka dib markii xalay ay idaacadda ABC News ee
Dalka Mareykanka ay sii daysay inuu Thomas dhalay
caafimaad qabto intii ka horeysayna xalayna ay
saxaafadda ka qarinaayeen.
Waa gabar aad u qurxoon waana ku faraxsanahay ayuu
yiri Thomas oo intaas raaciyay in waxa kaliya uu
kaga duwan yahay hablaha ama naagaha ay tahay
inuusan gabadhiisa nuujin karin naas isagoo sidoo
kale sheegay in hooyooyinka badankood ay sameynin
iyagoo awoodo inay nuujiyaan.
Thomas ayaa markii hore uu dhashay loogu magac daray
Trucy isagoo ahaa gabar aad u qorxoon balse uu ka
door biday inuu bedelo jinsiyaddiisa uuna noqday nin
sida ka jirto maamulka Mareykanka looguna diiwaan
geliyay inuu yahay Thomas.
Arintaas ayaa aad looga hadlaayay xalay illaa iyo
maanta iyadoo warbaahin gudaha dalka Mareykanka iyo
tan dibadaba ay wararkoodu ugu muhiimsan ahay waxay
cinwaan ka dhigteen Pregnant Man Gives Birth to Baby
Girl, (Ninkii Uurka Lahaa oo Dhalay Gabar).
Muuqaal.com
muuqaal@yahoo.com
webmaster@muuqaal.com
Xuquuqdu waxay u dhawrsan tahay Muuqaal Team
|
