Waxaa lagu soo waramayaa in lagu xasuuqay dad gaaraya 45 qofood aroos ka dhacayay gobol lagu magacaabo Mardin oo ku yaala dalka Turkiga oo ay kasoo qeybgaleen si ay ugu dabaal dagaan xafladaasi, Kadib markuu uu rasaas ooda kaga qaaday nin Ku hubeysnaa qoray ahaa nooca u dhaca Baaska ama darandooriga asagoo sidoo kale ku tuuray dhowr bam oo ah nooca gacanta laga rido.

Saxaafadda Gudaha ee Turkiga ayaa kusoo waramaysa in dadkaan la laayay ay ahaayeen ehelka Arooska iyo Aroosada, kasoo qeybgalayasha arooska iyo ilaalada xaafadda oo ay rasaas isdhaafsadeen ninkaan wax xasuuqay oo la sheegay inuu watay Maliishiyo kale oo ku ku sugayay banaanka markii ay dadkaan ku fureen rasaastana ay usoo gudbeen xuduudka dhanka Syria.

Dadka degan magaaladaas yar iyo dadweynaha Turkiga ayaa lagu soo waramayaa inay arrintani ku noqotay mid murugo iyo naxdin wadato kadib markii xaflad farax aheyd uu dhiig badani ku daatay ayna isku rogtay Murugo iyo baroordiiq,

"Anagoo caweyneyna ayaanu marqura tacshiirad ooda nagala qaaday waxaana kala garan weynay meel aan ka baxno iyo wax aan sameyno waxaana sakano yar gudahood kusoo xigay bambooyin waxaana yaqiinsanaa inaan ka badbaadi doonin cawada maadaama aan dhexda kaga sugnaa ddhiig iyo qeylo ooyin iyo cataaw "ayay tiri gabar yar ka mid aheyd kasoo qeybagalayaasha arooskan xeriirna la laheyd familka aroosaya.