MAAMUL CUSUB OO LOO DOORTAY NAADIGA ARDAYDA SOOMAALIYEED EE DALKA MASAR.

Muuqaal Online
15- Sep. 2008

Sanad walba bishan dhexdeeda ayaa waxaa la qabtaa doorashooyinka Naadiga Ardayda Soomaaliyeeed ee dalka Masar, doorashadan oo lagu qabtay xarunta Naadiga ayaa xalay lasoo gaban gabeeyay ayadoo ay isku soo tagaan xilka Maamulka Naadiga Ardayda Soomaaliyeed 18 Arday oo ka soo wada jeeday dhamaan goboladda Soomaaliya doorashada ka hor ayaa waxaa ka dhacay Naadiga is qab qabsi u dhexeeyay Maamulka iyo qaar ka tirsan murashxiinta xilka u tartamayay iyadoo mid ka mid ah ragii maamulka u tartamayay loo diiday in laga ogalaaado waraaqihii uu kaga qeyb gali lahaa doorashada Naadiga , sabab laxariirta isagoo heysto jinsiyad kale oo aan ahayn Soomaali ( Baasaboor Kenyaati ah)  arintan oo ka careysiisay ardaygaas xilka isku soo sharaxay taas oo sababtay gacan ka hadal oo ay ku soo baxeen amniga dalka Masar.

waxaa had iyo jeer ka qeyb qaadan jiray maamulka Naadiga in ay ka mid noqdaan dhamaan ardayda ku hadasha afka Soomaaliga meelkasto ay kayimaadaan Kenya, Djibouti iyo Ethiopia.

mar aan wax ka waydiinay arinkaan dhalinyaro Naadiga ka mid ah kala saarisita sanadkan lagu sameeyay ardayda ayay ku sheegeen in amarkaan uu kaga yimid dhanka amniga wadankan Masar ,taas oo ay wax kama jiraan ku tilmaameen ardayda ku dhaqan dalka Masar hadalkaan ka soo yeeray maamulka maxaa yeelay haddii saas jirto waxaa ay ahayd in ay soo wargeliyaan ardayda in dastuurka faqra kamid ah wax laga bedalay waxayna sheegeen ardayda qaar in dano kale laga damacsanaa diidmadan oo aysan wax xariir ah lalaheyn dhinaca amniga dalka Masar.

Doorashadan loo sameeyay 18 arday ayaa u kala qeybsanaa laba qeybood 10 la magac baxday ardayda reer bacuus iyo 8 loogu magac daray Baabadiin ayaa xilka maamulka waxaa ku guuleystay 12 arday oo 10 kamid ah ay ahaayeen reer Bacuus halka reer Babadiin u soo baxeen 2 arday oo kaliya, doorashadaan oo ahayd mid xiiso badan ayaa waxaa codka dhiibtay 431 arday waxaana si xornimo leh  guushii u raacday ardaydii reer Bacuus, maamulka la dooratay Naadiga magacyadiisa ayaa ah sidatan.:-

Diiwaan	Magacyada ardayda	Codka uu ku qaaday
01	Cabdi Nasir Cumar Cusmaan	199 codad ah
02	Maxamuud Axmed Maxamuud	198 codad ah
03	Abubakar Xasan Sheegoow	198 codad ah
04	Aways Cali Maxamed	197 codad ah
05	Cabdulqaadir Cumar Cusmaan	197 codad ah
06	Xassan Isxaaq Maxamed	195 codad ah
07	Cabdixakiim Axmed Maxamed	195 codad ah
08	Cabduqaadir Aadan Maxamed	195 codad ah
09	Cabdullaahi Saciid	195 codad ah
10	Maxamed Salaad Cusmaan	189 codad ah
11	Shaafici Ciise Diiriye	185 codad ah
12	Maxamuud Maxamed Cilmi	184 codad ah

Dhamaan ardayda Soomaaliyeed ee ku dhaqan dalka Masar ayaa soo dhaweeyay maamulka cusub ee loo doortay xilka sanadkan waxaana laga dareemay goobtii codbixinta sawaxan iyo salaan ay isla dhex marayaan ardaydii ku soo baxday doorashda iyo taageerayaashooda natiijada markii lagu dhawaaqay .

waxaa sidoo kale soo dhaweeyay maamulkan cusub uguna hambalyeeyay guusha Ururka Dhalainyarada Soomaaliyeed SYO oo ah Urur dhalinyaro oo ka shaqeeya magaaladan Qaahira iyo goobo kale oo caalamka ah.

Muuqaal.com
muuqaal@yahoo.com
                                 Xuquuqdu waxay u dhawrsan tahay Muuqaal Team.