|
WIIL KU HADLO 10 SAACADOOD
QADKA TALEEFANKA HABEENKII MAGAALADA MUQDISHO.
Muuqaal Online
C/qaadir Yare oo loo yaqaan Fantastic ayaa markii
aan maqalnay inuu si aad ah ugu hadlo Taleefanka
isla markaana kula sheekeeysto dhalinyaro u badan
haween ayaan waxaa la xiriiray Muuqaal Online
Muqdisho waxuuna sheegay inuu muddo sanado ah ilaa
haatan uu sidaas ugu hadli jiray teleefanka asagoo
ay ka muuqatay dhegtiisa bidix hoostiisa calaamad uu
ku reebay gacanka taleefanka.
Ilaa 10 saacadood oo xiriira ayaan ku hadlaa
taleefanka anigoo ku haasawe taga habeenadii markii
shanqarta magaalada dagto waxaana had iyo jeer ka
helaa saaxiibo cusub oo aan in muddo ah iska naqaano
taleefanka lakin aanan iska garaneyn bulshada
dhexdeeda muuqal ahaan ayuu yiri Cabdulqaadir
waxuuna intaas raaciyay inay ka sheekaystaan
haweenka arimo xasaasi ah oo aysan awoodin gabadhu
in ay qadka demiso ilaa ay ka gaarto heer korantada
ay Muqdishu subaxdii aroortii ka tago, Fantastic
waalidkiis ayaa had iyo jeer uga digaan qatarta ka
imaan karta dhafarka iyo taleefanka uu caadeystay
wiilkooda muddo badan taas oo keeni karta
dhibaatooyin badan oo kaga yimaado dhanka maskaxda
iyadoo sida la ogyahay maskaxda bani aadamka ay u
baahantahay inay hesho hurdo ugu yaraan ah 8
saacadood.
Magaalada Muqdisho oo inta badan ay ka qaxeen
barbaartii ayaa waxey caan ku noqotay guuxa hoose ee
taleefanada kadib markii uu iska yaraaday isku
socodkii dadweynaha cabsi xagga amniga daraadeed
waxaana jira in badan oo dhalinyara ah oo iska
guursaday qadka taleefanka kadib markii isbarasho ku
dhex martay qatka
waxaana jirta in guurka dhalinyarada ee ka jira
magacaalada Muqdisho 75% in uu kasoo askumay xiriir
lagu sameeyay Taleefanada iyadoo Magaalada Muqdishu
ay ka mid noqotay Magaalooyinka ugu raqiisan
Teleefoonada guryaha (Landline) iyadoo cid kastaba
ay ugu hadasho sida ay jeceshahay isla markaasna aad
iska dhiibeyso lacagta bishii oo aan marnaba iska
bedeleynin $10 Dollarka Mareykanka ah.
Muuqaal.com
muuqaal@yahoo.com
webmaster@muuqaal.com
Xuquuqdu waxay u dhawrsan tahay Muuqaal Team
|
